علشان اجاوب علي سؤالك اختي الكريمة لازم اعرف الأول التشات من وجهة نظري وفي نفس الوقت هجاوب علي الجزء الأول من السؤال وهو انطباعي عن التشات
التشات : عبارة عن مكان علي الأنترنت بيجتمع فيه ناس من جميع انحاء العالم علشان اهداف وتختلف الأهداف من شخص للتاني في اللي بيخش التشات للبحث عن الصداقة الحقيقة وفي اللي بيخش التشات علشان يدور علي بنت جميلة يتعرف عليها ويرتبط بيها وفي اللي بيخش علشان يتسلي يتكلم مع شخص ما يفضفض له علي اللي جواه معتقدا ان الشخص ده عمره ما هيقابله وبالتالي ياخد راحته معاه في الكلام
وفيه اللي بيخش لأهداف خبيثة منا من سيعرف ما هي هذه الأهداف ومنا من لن يعرف وهذا أفضل له ما علينا , اجاوب بقي علي الجزء التاني من السؤال انطباعي عن بنات التشات والله البنات اللي علي التشات كلهم غلابة وكلهم ضحايا في نظري
وانا بتكلم عن البنات المصرية والعربية , البنات العربية او المصرية ليها هدف واحد علي الأنترنت البحث عن الأعجاب في عيون الأخرين
والبحث عن الحب ( الحب المحترم بالطبع ) وده مش غلط او عيب او سيئ لاننا كتير من الشباب بيدور علي كده برضه , طبعا اخر كلامي هو
فاقد الشيئ في محيطه يبحث عنه خارج هذا المحيط , اما اخر جزء من السؤال وهو الأنترنت في حياتي بالنسبة لي هو جزء صغير من العالم
اتجول في واكتشف اشياء جديدة كلما تجولت فيه , اما لو تقصدي التشات بالنسبة لي زي الحلوي اللي جواها مفجأة بروح لها وبفتحها
وانا ونصيبي ممكن الاقي صديق حقيقي ممكن الاقي حد يحاول يسبب لي مشكلة ....الخ وانا اتعرفت علي ناس محترمة كتيرة علي التشات وبكده اكون خلصت اجابة علي سؤالك وانا بحب اجاوب بمضير علي الأسئلة
سؤالي للي هيجي بعدي هل مصير الشعب المصري مرتبط بالتعليم ام لا ؟
الأربعاء سبتمبر 05, 2007 9:53 am
