ديكتاتورية

زائر

سرب من الحرب ساكتله
وفى كل مكان أنا شوفته
وبكل جوارحى أنا حاسه
بيموٌت كل الناس

بعتلى إشارة وجاى
هيدمر حارة وحى
ولابس نفس الزى
جبروت فاقد الإحساس

جربته زمان وتعبت
ولأرضى وشعبى رجعت
وروحت المحكمة وصالحت
وحطيت ع السور حراس

بقا بعد ده كله سكوت
قاعدين نستنى الموت
عمال بيدوس فى خطوط
خطنا قرب ينداس

فين القوة فين الحماس
روح الإرادة فينها يا ناس
النصر هو هيكون هدفنا
النصر لازم يبقى الأساس

زائر

ربنا يخليك يا ميمو يا شاعر يا عظيم و يكتر من امثالك عايزين نولع نار فى المنتدى بالاشعار و المؤلفات بتاعتنا

زائر

بوصوا ...هيا مش ناقصه نار والنبي ....بس الكلام لذيذ وسطحي أوي بجد يا ميمو .....
على فكرة ياجماعة ...محدش يزعل مني ...أنا طبعتي كده بتريق على طول ....

شد حيلك يابني ...ياللا زللعوها أنت وهوا ...